काठमाडौं - अमेरिका र इरानबीचको आमनेसामने युद्धविराम वार्ताको पहिलो चरण पाकिस्तानको राजधानीमा सम्पन्न भएको छ।
दुवै पक्षले इस्लामाबादमा भएका सहमतिहरूमा समान बुझाइ रहेको पुष्टि गर्न लिखित दस्तावेज आदानप्रदान गरिरहेका छन्। सन् १९७९ को इस्लामिक क्रान्तिपछि वाशिङ्टन र तेहरानबीच भएको यो पहिलो प्रत्यक्ष वार्ता हो।
अमेरिकी प्रतिनिधिमण्डलको नेतृत्व गरिरहेका उपराष्ट्रपति जेडी भान्सले प्रत्यक्ष वार्ताअघि पाकिस्तानका प्रधानमन्त्री शहबाज शरीफसँग भेट गरेका थिए।
इरानी अधिकारीहरू जसमा संसदका सभामुख मोहम्मद बाघेर गालिबाफ र विदेशमन्त्री अब्बास अराघची पनि छन्। उनीहरूले पनि शरीफसँग भेट गरेका थिए।
यसैबीच इजरायलले लेबनानमा आक्रमण जारी राखेको छ जहाँ मार्चको सुरुदेखि भएका आक्रमणहरूमा कम्तीमा २ हजार २० जनाको मृत्यु भइसकेको लेबनानको स्वास्थ्य मन्त्रालयले जनाएको छ।
आगामी साता अमेरिकामा हुने सम्भावित युद्धविराम वार्ताअघि अमेरिकास्थित लेबनानी र इजरायली राजदूतहरूबीच फोन वार्ता भएको छ जुन यी दुई देशबीचको पहिलो प्रत्यक्ष सम्पर्कको रूपमा रिपोर्ट गरिएको छ।
0 comment