काठमाडौं - पाकिस्तानको क्वेटा शहरको चमन गेट नजिकै रेलवे ट्र्याकमा विस्फोट हुँदा सातजनाको मृत्यु भएको छ भने २० भन्दा बढी घाइते भएका छन्। बीबीसीलाई प्राप्त जानकारी अनुसार विस्फोटका कारण रेलका तीनवटा डिब्बा पटरीबाट खसेका थिए भने दुईवटा डिब्बा पल्टिएका थिए।

प्रत्यक्षदर्शीहरूका अनुसार विस्फोट यति शक्तिशाली थियो कि रेलवे ट्र्याक नजिकै पार्क गरिएका धेरै सवारी साधनहरू र नजिकैका घरहरूमा पनि क्षति पुगेको छ। घटनास्थलमा सेना र प्रहरी बलहरू उपस्थित छन्। अधिकारीहरूले विस्फोटको कारण वा हताहतको संख्याको बारेमा अहिलेसम्म कुनै वक्तव्य जारी गरेका छैनन्।

रेलमन्त्री मुहम्मद हनिफ अब्बासीले क्वेटामा भएको विस्फोटको कडा शब्दमा निन्दा गरेका छन्। रेलवे प्रवक्ताद्वारा जारी विज्ञप्तिमा रेलमन्त्री हनिफ अब्बासीले भने,'क्वेटा क्यान्टबाट आउँदै गरेको शटल ट्रेन चमन गेट नजिकै विस्फोटको शिकार भएको थियो।'

उनले भने कि विस्फोटका कारण इन्जिनसहित तीनवटा कोच पटरीबाट खसेका थिए भने दुईवटा कोच पल्टिएका थिए। घटनाबारे अनुसन्धान भइरहेको प्रहरीले जनाएको छ।