काठमाडौं – सल्यानमा ट्याक्टर दुर्घटना हुँदा तीन जना गम्भीर घाइते भएका छन ।
यसरी घाइते हुनेमा बागचौर नगरपालिका १ गैरावेदका ट्याक्टर चालक २४ वर्षीय युवराज रोकाय, ४५ वर्षीय कालि बहादुर बस्नेत र बागचौर नगरपालिका १० पिपलनेटाका ५० वर्षीय लाल बहादुर विक रहेको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिएका छन् ।
प्रहरीले दिएको जानकारी अनुसार बुधबार बिहान जिल्लाको बागचौर नगरपालिका २ थारमारे बजारबाट १ ठिनवाङ जिउला जाँदै गरेको रा १ त ३२६३ नम्बरको ट्याक्टर ठिनवाङ जिउलामा सडकबाट एक सय मिटर तल खसेर दुर्घटना भएको हो ।
दुर्घटनाको कारण भने खुल्न सकेको छैन र यसबारे प्रहरीले थप अनुसन्धान गरी रहेको श्रेष्ठले जानकारी दिएका छन् ।
घाइते मध्ये कालि बहादुर र लाल बहादुरको सल्यानको जिल्ला अस्पतालमा उपचार भईरहेको छ भने, चालक रोकायको बागचौर स्थित जनप्रिय पोलिक्लिनिकमा सामान्य उपचार पछि नेपालगञ्ज रिफर गरीएको छ ।
0 comment