काठमाडौं – घरमाथि पहिरो खस्दा ३ जनाको मृत्यु भएको छ । 

अर्घाखाँचीको पाणिनी गाउँपालिका–१ गोवनपानीमा गंगा रास्कोटीको घर पहिरोले पुरिँदा तीन बालबालिकाको मृत्यु भएको वडाअध्यक्ष कमल प्रसाद पोखरेलले जानकारी दिएका छन् । आज बिहान करिब ५ बजेतिर आएको पहिरोले घर पुरेको हो।

घटनास्थलबाट तीन वटा शव निकालिएको र उनीहरुको सनाखत हुन बाँकी रहेको जिल्ला प्रहरी कार्यालय अर्घाखाँचीले जनाएको छ ।

घटनास्थलमा प्रहरी र स्थानीयहरु मिलेर उद्धार कार्य भईरहेको वडाअध्यक्षले जानकारी दिएका छन् ।