काठमाडौं – आमाको हत्या गरी फरार रहेका छोरालाई प्रहरीले पक्राउ गरेको छ ।
यसरी पक्राउ पर्नेमा पश्चिम नवलपरासीको सुनवल नगरपालिका–१३ निवासी २५ वर्षीय शिवकुमार मुशहर रहेको प्रहरीले जानकारी दिएको छ ।
आरोपी शिवकुमारले पारिवारिक विवादको क्रममा ५० वर्षीया आमा बुद्धिरानी मुसहरलाई धारिलो हतियार प्रहार गरी हत्या गरेको प्रहरीले जनाएको छ । घाँटीमा धारिलो हतियार प्रहार गरेपछि बुद्धिरानीको घटनास्थलमै मृत्यु भएको थियो ।
आमाको हत्यापछि फरार रहेका शिव कुमार लुकेर बस्दै आएका थिए । प्रहरीले रुपन्देहीको गैडहवा गाउँपालिका–८ मैनहवाबाट उनलाई पक्राउ गरेको हो ।
0 comment