काठमाडौं – बलात्कारको आरोपमा दाङ्ग देउखुरी बहुमुखी क्याम्पसका प्राध्यापक तथा पूर्वक्याम्पस प्रमुखलाई प्रहरीले पक्राउ गरेको छ ।
यसरी पक्राउ पर्नेमा लमही नगरपालिका ५ रातोडाँडा स्थित बस्ने शेषमणि गौतम रहेको प्रहरीले जनाएको छ । गौतमले आइतबार दिउँसो २१ वर्षीया युवतीलाई आफ्नै घरमा बोलाई बलात्कार गरेको आरोपमा पक्राउ गरिएको जिल्ला प्रहरी कार्यालय दाङका डीएसपी राजनकुमार गौतमले जानकारी दिएका छन् ।
पीडितले दिएको उजुरीका आधारमा पक्राउ परेका शेषमणिलाई हिरासतमा राखेर यसबारे थप अनुशन्धान भईरहेको प्रहरीले जनाएको छ ।
गौतम नेपाली कांग्रेसका जिल्ला सदस्य हुन् साथै देउखुरी बहुमुखी क्याम्पसका हालका प्रध्यापक तथा संचालक समितिका कोषाध्यक्ष रहेका छन् ।
0 comment