काठमाडौं - प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीलाई नेपाल भ्रमणको निमन्त्रणा दिनुभएको छ ।
शिष्टाचार भेटका लागि आउनुभएका भारतीय विदेश मन्त्रालयका सचिव विक्रम मिस्रीमार्फत प्रधानमन्त्री ओलीले समकक्षी मोदीलाई नेपाल भ्रमणको निमन्त्रणा दिनुभएको हो ।
प्रधानमन्त्री ओली र विदेश सचिव मिस्रीबीच आज भेटवार्ता भएको थियो ।
विदेश सचिव मिस्री नेपालको दुई दिने भ्रमणमा आज नेपाल आउनु भएको हो ।
उहाँले नेपाली काँग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड लगायतका नेताहरुसँग पनि आजै भेट गर्नुभएको छ ।
विदेश सचिव मिस्री भोलि स्वदेश फर्कनु हुनेछ ।
0 comment