काठमाडौं – जिपले ठक्कर दिंदा एक शिक्षीकाको उपचारको क्रममा मृत्यु भएको छ ।
यसरी मृत्यु हुनेमा दाङ तुलसीपुर उपमहानगरापलिका– ९ बेलुवा निवासी ३७ वर्षकी सिता लम्साल रहेको इलाका प्रहरी कार्यालय तुलसीपुरका प्रहरी निरीक्षक नवराज केसीले जानकारी दिनुभएको छ ।
अध्यापनका लागि शान्तिनगर गाउँपालिका–७ मा रहेको माध्यामिक विद्यालय तुलसीपुरमा जाँदै गर्दा शिक्षीका लम्साल सवार रा.७ प. ४२३७ नम्बरको स्कुटीलाई दंगीशरण–५ कुमालगडीमा रा. १ ज. ९२३ नम्बरको जिपले बिहान पौने १० बजे ठक्कर दिएको थियो ।
जीपको ठक्करबाट गम्भिर घाइते भएकी लम्सालको नेपालगञ्ज नर्सीङ होममा दिउँसो २ बजे उपचारको क्रममा मृत्यु भएको प्रहरीले जनाएको छ ।
ठक्कर दिने जीप र चालकलाई नियन्त्रणमा लीई यसबारे थप अनुशन्धान भई रहेको प्रहरीले जानकारी दिएको छ ।
0 comment