काठमाडौं – दाङमा एक वृद्ध महिलामाथी कुटपिट गरी उनले लगाएका गरगहना लुटपाट भएको छ । 

यसरी लुटपाट हुनेमा घोराही उपमहानगरपालिका–१३ सेवार बासबोट स्थित ६२ वर्षिया राखीमाया रोका रहेको जिल्ला प्रहरी कार्यालय दाङका डीएसपी राजन गौतमले जानकारी दिनुभएको छ ।

एक जना अज्ञात व्यक्तिले बुधवार राखीमाया रोकाको घरमै आएर घरेलु हतियार प्रहार गरि गम्भीर घाइते बनाएर उनले लगाएको दुईतोला सुनका गरगहना लुटपाट भएको गौतमले जानकारी दिनुभएको छ । 

कुटपिटबाट गम्भीर घाइते भएकी रोकाको जिल्ला अस्पताल घोराहीमा उपचार सम्भव नभएपछि थप उपचारका लागी उनलाई भैरहवा रिफर गरिएको डीएसपी गौतमले जानकारी दिनुभएको छ । 

घटनाको अनुशन्धान गरी यस घटनामा संल्गन व्यक्तीको खोजी कार्य तिव्र पारिएको पनी प्रहरीले जनाएको छ ।