काठमाडौं – खोटाङमा ट्र्याक्टरले किचिएर प्रधानाध्यापकको मृत्यु भएको छ ।
यसरी मृत्यु हुनेमा खोटाङ हलेसी तुवाचुङ नगरपालिका १ बाहुनीडाँडास्थित बेलडाँडा आधारभूत विद्यालयका प्रधानाध्यापक मकरध्वज राई रहेको प्रहरीले जनाएको छ ।
विद्यालयबाट घर फर्कने क्रममा को २ त ४६७६ नं को ट्र्याक्टरमा चढ्न खोज्दा उनी खसेपछि ट्र्याक्टरको पछाडिको पाङ्ग्राले किचिएर राईको घटनास्थलमै मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक बेनु कार्कीले जानकारी दिएका छन् ।
प्रहरीले ट्र्याक्टर चालकलाई नियन्त्रणमा लिएर घटनाबारे थप अनुसन्धान भई रहेको जनाएको छ ।
0 comment