काठमाडौं - महोत्तरी प्रहरीले गौशाला नगरपालिकाको बाँक खोलाबाट ८२ किलो गाँजासहित दुईजनालाई पक्राउ गरेको छ। 

मंगलबार राति प्रहरीले गौशाला नगरपालिका १२ बाँके खोलाबाट कान्तिबजारतर्फ आइरहेको ना ७ त २२०० नम्बरको ट्रयाक्टरबाट ८२ किलो गाँजा बरामद गरेको हो।

प्रहरीले ट्रयाक्टरका चालक सर्लाही ईश्वरपुर नगरपालिका १२ का २६ वर्षीय गणेश सार्की र ट्रयाक्टरमा सवार सोहि ठाँउका २७ वर्षीय पाण्डव थापालाई नियन्त्रणमा लिएको छ ।

बरामद गरेको गाँजा र चालकलाई थप अनुसन्धानका लागि जिल्ला प्रहरी कार्यालय महोत्तरीमा पठाइसकेको प्रहरी कार्यालय गौशालाले जनाएको छ ।