काठमाडौं – पाँचथरमा ट्र्याक्टरबाट खसेर दुई दिदीबहिनीको ज्यान गएको छ ।
मेची राजमार्गअन्तर्गत पाँचथरको हिलिहाङ गाउँपालिका–७ भारपाको साम्मेवा भन्ने ठाउँमा मे १ त २९६१ नम्बरको ट्र्याक्टरबाट खसेर दिदी बहिनीको ज्यान गएको हो ।
यसरी ज्यान गुमाउनेमा, स्थानीय कमल सुवेदीका छोरीहरू १२ वर्षीया पुजना र १० वर्षीया गंगा रहकोे जिल्ला प्रहरी कार्यालय पाँचथरले जनाएको छ ।
उनीहरू दुवै जना स्थानीय जयभवानी माविमा कक्षा ८ र ४ मा अध्ययनरत थिए । चालक सिटको छेउमा रहेका उनीहरू ट्र्याक्टरबाट खसेपछि ट्र्याक्टरले किचेर उनीहरुको ज्यान गएको प्रहरीले जनाएको छ ।
जिल्ला प्रहरी कार्यालय पाँचथरका प्रहरी निरीक्षक दिवस कुवँरका अनुसार दुई विद्यार्थीको ज्यान गएपछि ट्र्याक्टर चालक भाग्न खोज्दा अन्य दुई जना विद्यार्थी पनी घाइते भएका छन् । घाइतेहरूको पाँचथर जिल्ला अस्पतालमा उपचार भइरहेको उनले जानकारी दिएका छन् ।
0 comment