काठमाडौं – अटोमेटिक पेस्तोलसहित दुई जनालाई प्रहरीले पक्राउ गरेको छ ।
यसरी पक्राउ पर्नेमा धरान उपमहानगरपालिका १७ डाँडाघोपा बस्ने २९ वर्षीय हुकमेन जिमी र सोही उपमहानगरपालिका १५ सहिद मार्ग बस्ने २४ वर्षीय रोहित राई रहेको प्रहरीले जनाएको छ ।
ईलाका प्रहरी कार्यालय धरान र कोशी प्रदेश प्रहरी कार्यालय विराटनगरबाट खटिएको संयुक्त टोलीले हुकमेन जिमीको घरबाट लुकाई राखेको स्वचालित हतियार र पेस्तोलमा लाग्ने विभिन्न पार्ट–पूर्जासहित बरामद गरेको छ ।
थप सोधपुछको क्रममा उनले २ थान पेस्तोल खरिद गरी ल्याएकोमा १ थान आफूले राखेको र १ थान रोहित राईलाई दिएको भन्ने खुल्न आएपछि रोहित राईको घर खन तलासी गर्दा १ थान म्याग्जिन सहितको पेस्तोल फेला परेको प्रहरीले जनाएको छ ।
प्रहरीले दुबै जनालाई नियन्त्रण्मा लिई यसबारे थप अनुसन्धान भई रहेको जनाएको छ ।
0 comment