काठमाडौं - मकवानपुर प्रहरीले हेटौडा उपमहानगरपलिका १५ स्थित पूर्व–पश्चिम लोकमार्गबाट ६ करोड बढि मूल्यको जुत्तासहित तीनवटा ट्रक नियन्त्रणमा लिएको छ ।

अमेरिकी डलर ४ लाख ८८ हजार १ सय ७३ रुपैयाँ ६३ पैसा (६ करोड ४२ लाख २९ जार ४ रुपैयाँ ५० पैसा )मुल्य लेखिएको प्रज्ञापनपत्रसहित ना ३ ख ७४५०, ना ३ ख ७६५८ र ना ३ ख ७७५० नम्बरको तीनवटा ट्रकमा लोड भएको एडिडास सुपरस्टार जुत्ताको विल विजक शंकास्पद रहेको भन्ने विशेष सूचनाको आधारमा सशस्त्र प्रहरीको १४ नम्बर गण मकवानपुरले ट्रक नियन्त्रणमा लिएको हो ।

नियन्त्रणमा लिएको जुत्ता र तीनवटै ट्रक आवश्यक अनुसन्धान तथा कारवाहीका लागि राजश्व अनुसन्धान विभाग हरिहर भवन ललितपुरमा बुझाइएको छ ।