काठमाडौं — सडक दुघर्टनाको श्रृङखला रोकिएन । नारायणघाट–मुग्लिन सडकको नौकिलोमा ट्रक पल्टिँदा एक जनाको मृत्यु भएको छ । ट्रकमा सवार दुई जनालाई उद्धार गरेर उपचारका लागि भरतपुर ल्याइएको बताइएको छ । अन्य दुई जनालाई ट्रकले च्यापेको जिल्ला प्रहरी कार्यालयका डिएसपी ज्ञानकुमार महतोले जानकारी दिएका छन । 
सडकमा पल्टिएको ट्रक उठाउन क्रेन पठाइएको प्रहरीको भनाई छ । नारायणघाटबाट मुग्लिनतर्फ जाँदै गरेको बागमती प्रदेश ०३ ०१ ख ३४९० नम्बरको ट्रक पल्टिएको हो । घाइतेहरूको भरतपुरस्थित चितवन मेडिकल कलेज र अलाइभ हस्पिटल एन्ड ट्रमा सेन्टरमा उपचार भइरहेको स्रोतले बताएको छ ।