काठमाडौं - आईसीसी विश्वकप लिग- टु अन्तर्गतको तेस्रो खेलमा नेपाल क्यानडासँग पराजित भएको छ ।
क्यानडाको किङ सिटीमा आज बिहान सकिएको खेलमा नेपाल क्यानडासँग ५ विकेटले पराजित भएको हो ।
नेपालले दिएको १ सय ८२ रनको लक्ष्य पछ्याएको क्यानडाले ४२ ओभरमा ५ विकेट गुमाएर १ सय ८६ रन बनाउँदै लक्ष्य पूरा गरेको हो ।
यसअघिका खेलमा नेपाल क्यानडासँग १ सय ३ तथा ओमानसँग १ विकेटले पराजित भएको थियो ।
त्रिदेशीय शृङ्खलामा अब नेपालले अन्तिम खेल भोलि ओमानसँग खेल्नेछ । ८ टोलीको सहभागिता रहेको लिग- टु मा यो जितपछि क्यानडा १४ अङ्कका साथ शीर्ष स्थानमा उक्लिएको छ ।
नेदरल्यान्ड्स १२ अङ्कका साथ दोस्रो स्थानमा रहेको छ । २ अङकका साथ नेपाल अङ्कतालिकाको पुछारबाट दोस्रोमा छ ।
छैटौँ स्थानमा रहेको ओमानको ५ अङ्क रहेको छ ।
0 comment