काठमाडौं – केआइसिंह राजमार्गअन्तर्गत डडेल्धुराको रडुवा खोलामा खाद्यान्न बोकेको मिनी ट्रक खसेको छ ।
सोमवार बिहान धनगढीदेखि बाजुरा जाँदै गरेको सुपप्र ०१००१ प १८८६ नम्बरको मिनी ट्रक डडेल्धुराको गन्यापधुरा गाउँपालिका–२ रडुवामा दुर्घटना भएको प्रदेश ट्राफिक कार्यालय अत्तरियाले जनाएको छ ।
ट्रक सडकबाट अन्दाजी ५० मिटर तल खसेको जनाइएको छ । ट्रक चालक डोटीका जोरायल गाउँपालिका–२ बस्ने २३ वर्षीय प्रकाश मल्ल रहेका छन् । दुर्घटनामा कुनै मानवीय क्षति भने भएको छैन ।
अहिले दुर्घटनास्थलबाट ट्रक निकाल्ने काम भइरहेको प्रहरीले जनाएको छ । वर्षाका कारण सडकको भाग कमजोर हुँदा यस्तो घटना घटेको डडेल्धुरा प्रहरीले जनाएको छ ।
0 comment