काठमाडौं – हेटौंडामा ट्रिपरले ठक्कर दिदाँ एक स्कुटर चालकको मृत्यु भएको छ ।
जिल्ला प्रहरी कार्यालयका अनुसार बाग्मती प्रदेश ०३–००१ ख ८५१ नम्बरको टिपरले भैसेबाट हेटौंडा आउँदै गरेको बाग्मती प्रदेश ०३–००२ प ६४४ नम्बरको स्कुटरलाई हेटौंडा उपमहानगरपालिका–२ चौकीटोलमा शनिबार राति ठक्कर दिंदा २५ बर्षीय अमित कपाडीको उपचारको क्रममा मृत्यु भएको प्रहरी निरीक्षक रामचन्द्र घिमिरेले जानकारी दिएका छन् ।
टिपरको ठक्करबाट घाइते भएका कपाडीलाई हेटौंडा अस्पतालमा उपचारका लागि पठाईएको थियो, सोही उपचारको क्रममा उनको मृत्यु भएको प्रहरीले जनाएको छ ।
प्रहरीले ठक्कर दिने टिपर र टिप्पर चालकलाई नियन्त्रणमा लीई यसबारे घटनाको थप अनुसन्धान भइरहेको जनाएको छ ।
0 comment