काठमाडौं – बागलुङमा जीप दुर्घटना हुँदा दुई जनाको व्यक्तिको ज्यान गएको छ । 

यसरी ज्यान गुमाउनेमा, जैमिनी नगरपालिका १० राङखानी घर भइ बागलुङ नगरपालिका २ श्रीनगर बस्ने दुर्गा पौडेल रहेको र एक जनाको सनाखत हुन नसकेको प्रहरीले जानकारी दिएको छ ।  

मार्केटिङको सामान बोकेको ग १ च ९४८५ नम्बरको जीप काठेखोला गाउँपालिका ५ ठूलढुंगा सडकबाट झण्डै ५०० मिटर तल खोँचमा खसेर दुर्घटना हुँदा दुवै जनाको घटनास्थलमै मृत्यु भएको जिल्ला प्रहरी कार्यालय बाग्लुङका एसपी योगेन्द्रकुमार खड्काले जानकारी दिएका छन् ।