काठमाडौं – दाङको तुलसीपुर ३ सिरखोलामा जिप दुर्घटना हुँदा १ जनाको मृत्यु भएको छ भने ९ जना घाइते भएको प्रहरीले जनाएको छ ।
जिपमा चालक सहित जम्मा १० जना सवार रहेको र उक्त जिपका चालक रोल्पाको गंगादेव गाउँपालिका १ निवासी विष्णु पुनको उपचारको क्रममा राप्ति प्रादेशिक अस्पताल तुलसीपुरमा मृत्यु भएको प्रहरीले जनाएको छ ।
यस्तैगरी दुर्घटनामा परी घाइते हुनेहरुमा रोल्पा गंगादेव १ बिबाङ निवासी २३ वर्षिय बल बहादुर ओली, सोही ठाउँ निवासी ४२ वर्षिय दुल बहादुर ओली, ३२ वर्षिय गौसरा ओली, २० वर्षिय रिता डाँगी, सल्यान छत्रेश्वरीका २१ वर्षिया गिता विक, उनका ७ वर्षिया छोरा पवन विक ६ वर्षिया छोरी स्नेहा बिक, सोही ठाउँ निवासी २० वर्षिय गिता बिक, घाइते भएका छन् । त्यस्तै तुलसीपुर उपमहानगरपालिका १५ निवासी ३३ वर्षिय खुसिराम चौधरी र भारत बंगाल कलकत्ता निवासी ३० वर्षिय सादाम हुसेन घाइते भएका छन् ।
तुलसीपुरबाट रोल्पाको लागी छुटेको रा १ ज ५५६ नम्बरको जिप आज बिहान १० बजेर २० मिनेटमा सिरखोला नजिकै सडकबाट झन्डै ६० मिटर तल खसेर दुर्घटना भएको इलाका प्रहरी कार्यालय तुलसीपुरका प्रहरी निरीक्षक नवराज केसीले जानकारी दिनुभएको छ ।
घाईते ९ जना मध्ये रिता, दुल बहादुर र सादाम को राप्ति प्रादेशिक तुलसीपुरमा उपचार भईरहेको र अन्य ६ जनाको अवस्था गम्भिर रहेकाले थप उपचारका लागी नेपालगञ्ज रिफर गरिएको प्रहरीले जनाएको छ ।
0 comment