काठमाडौं – प्रहरीको हतियार खोस्ने प्रयास गरेपछि लागु औषध कारोबारीमाथि प्रहरीले गोली प्रहार गरेको छ ।
त्रिभुवन अन्तर्राष्ट्रिय विमानस्थलको गोल्डेन गेट नजिकै शम्भु मार्गमा लागुऔषध कारोबारी विकास भगतले प्रहरीको हतियार खोस्ने प्रयास गरेपछि उनीमाथि प्रहरीले गोली प्रहार गरेको हो । गोलीबाट लागुऔषध कारोबारी विकास भगत घाईते भएका छन् ।
भगतले लागुऔषध कारोबार गरिरहेको सूचना पाएपछि प्रहरीले उनलाई नियन्त्रणमा लिने प्रयास गरेको थियो । नियन्त्रण लिने क्रममा उनले प्रहरीमाथि कुटपिट र हतियार खोस्ने प्रयास गरेपछि प्रहरीले गोली चलाएको प्रवक्ता कुवेर कडायतले जानकारी दिएका छन् ।
प्रहरीले उनको साथबाट केही मात्रामा लागुऔषध बरामद गरेको छ ।
घाईते लागु औषध कारोबारीको उपचार भइरहेको र यसबारे घटनाको थप अनुशन्धान भई रहेको प्रहरीले जनाएको छ ।
0 comment