काठमाडौं - ललितपुर प्रहरीले खुकुरी प्रहार गरी तीन जनालाई घाते बनाई फरार रहेका ९ जनालाई पक्राउ गरेको छ ।
ललितपुर महाँकाल स्थायी ठेगाना भएका ९ जना प्रतिवादीहरुले मिति २०८० जेष्ठ २२ गतेका दिन ललितपुर जिल्ला महाँकाल गाउँपालिका वडा नम्बर ३ जप्कामा सडक बनाउने कामदार बर्दिया जिल्ला मधुवन नगरपालिका वडा नम्बर २ का सुनिल थारु, ललितपुर जिल्ला कोञ्ज्योसोम गाउँपालिका वडा नम्बर २ का सुजेन लामा र सोही स्थान बस्ने रमेश लामालाई धारिलो हतियार खुकुरी प्रहार गरी सख्त घाईते बनाएका थिए ।
तीनै जना घाईतेहरुलाई सोही दिन उपचारको लागी त्रिभुवन शिक्षण अस्पताल महाराजगञ्जमा पुर्याई उपाचार भईरहेको छ ।
घटनामा प्रत्यक्ष संलग्न भई फरार रहेका ९ जनालाई खोजतलास गर्दा लुकीछिपी बसेको अवस्थामा घटनामा प्रयोग गरिएको धारिलो हतियार तथा मोटरसाइकल ३ थानसहित पक्राउ गरी ज्यान मार्ने उद्योग मुद्धामा जिल्ला अदालत ललितपुरबाट ७ दिन म्याद थप गरी थप अनुसन्धान भईरहेको जिल्ला प्रहरी परिसर ललितपुरका प्रमुख सिद्धिबिक्रम शाहले जानकारी दिनु भयो ।
0 comment