काठमाडौं – कालिकोटमा जीप दुर्घना हुँदा २ जनाको ज्यान गएको छ । 

रास्कोट नगरपालिका वडा नम्बर–२ सेराबजारमा रोकिराखेको बा १ च ४६४१ नम्बरको जीप सडकबाट भिरमा खसेर दुर्घटना भएको प्रहरीले जनाएको छ । 

बिहिबार बिहान ७ बजे जिप दुर्घटना हुँदा रास्कोट नगरपालिका १ निवासी मनबहादुर शाही र उनकी श्रीमती मनकुमारी शाहीको मृत्यु भएको हो ।  

दुर्घटनामा जीपमै रहेका त्यही ठाउँका रितु सिंह घाइते भएका छन् । घाइतेलाई उपचारका लागि रास्कोट अस्पताल लगिएको जिल्ला प्रहरी कार्यालय कालीकोटका डीएसपी जयश्वर रिमालले जानकारी दिए । उनका अनुसार चालकले जीप स्टार्ट गरी छाडेर जुत्ता लगाउन गएका बेला दुर्घटना भएको हो ।