काठमाडौं – दाङमा बलात्कारको आरोपमा एक जना युवकलाई प्रहरीले पक्राउ गरेको छ ।
युवा वैज्ञानिकका रुपमा चर्चित रहेका घोराही–१६ कपासीका मार्शल रोकालाई प्रहरीले बुधबार पक्राउ गरेको हो । तुलसीपुर उपमहानगरपालिकाका एक महिलाले रोकालाई दिएको उजुरीका आधारमा रोकालाई पक्राउ गरिएको दाङ जिल्ला प्रहरी प्रमुख एसपी वीरबहादुर वलीले जानकारी दिएका छन् ।
रोका पेट्रोलबिना सल्लाको खोटोबाट मोटरसाइकल चलाउने, अटोमेटिक स्यानिटाइजर टनेल बनाई युवा वैज्ञानिकका रुपमा चर्चित हुँदै आएका थिए ।
रोकालाई जिल्ला अदालतबाट सात दिनको म्याद थप गरी यसबारे थप अनुसन्धान भइरहेको प्रहरीले जनाएको छ ।
0 comment