काठमाडौं – रोल्पामा नुहाँउने क्रममा पानीमा डुबेर एक बालिकाको मृत्यु भएको छ ।
यसरी मृत्यु हुनेमा जिल्लाको माडी गाउँपालिका ५ एनावाङ निवासी पौख बहादुर घर्तीकी १४ वर्षीया छोरी मनमाया घर्ती रहेको जिल्ला प्रहरी कार्यालय रोल्पाले जानकारी दिएको छ ।
बालिका सहित अन्य चारजना बालिकाहरु माडी गाउँपालिका ४ तार्केबाङ स्थित माडी खोलामा नुहाउन गएका थिए । उक्त नुहाउने क्रममा मनमाया पानीमा डुवेर मृत्यु भएको प्रहरीले जनाएको छ ।
बालिका डुबेको खबर पाए लगत्तै उद्धारका लागि खटिएको प्रहरीको टोली घटना स्थल पुग्दा मृतक बालीकाको शव बाहिर निकाली सकेको अवस्था रहेकाले यसबारे घटनाको थप अनुसन्धान भइरहेको प्रहरीले जानकारी दिएको छ ।
0 comment