काठमाडौं – दाङमा बस र मोटरसाइकल एक आपसमा ठोक्किँदा १ जनाको ज्यान गएको छ ।
विहीबार साँझ करिब ६ बजेतिर घोराही उपमहानगरपालिका १४ स्थित आर्मी ब्यारेक नजिक रा–१ ख १२०१ नम्बरको बस र रा– ३ प ४२ नम्बरको मोटरसाइकल एक आपसमा ठोकिएको जिल्ला प्रहरी कार्यालय दाङले जनाएको छ ।
उक्त ठक्करबाट ज्यान गुमाउनेमा मोटरसाइकल चालक रोल्पा रुन्टीगढी गाउँपालिकाका ३ बस्ने २१ वर्षीया चन्द्र बहादुर नेपाली रहेको प्रहरीले जनाएको छ ।
मोटरसाइकल चालक नेपालीको राप्ती स्वास्थ्य विज्ञान प्रतिष्ठान घोराही दाङमा उपचारको क्रममा साँझ करिब पौने ७ बजे मृत्यु भएको प्रहरीले जनाएको छ ।
प्रहरीले बस र बस चालकलाई नियन्त्रणमा लिई यस घटनाको थप अनुशन्धान भईरहेकोे जिल्ला प्रहरी कार्यालय दाङले जनाएको छ ।
0 comment