काठमाडौं – पाल्पामा करेन्ट लागेर एक जना पुरुषको ज्यान गएको छ । 

घाँस काट्ने क्रममा करेन्ट लागेर मृत्यु हुनेमा रामपुर नगरपालिका –५ भम्बकका ३४ वर्षीय गोविन्द कुमाल रहेको जिल्ला प्रहरी कार्यालय पाल्पाले जनकारी दिएको छ ।

आज बिहान साढे ७ बजेतिर घरनजिकको काभ्रोको रुखमा चढी घाँस काट्ने क्रममा करेन्ट लागेर कुमाल गम्भीर घाइते भयपछि कुमाललाई उपचारको लागि अस्पताल लगिएको थियो । 

घाइते कुमालको रामपुर अस्पतालमा उपचारको क्रममा मृत्यु भएको प्रहरीले जनाएको छ ।