काठमाडौं - अमेरिकाको टेक्सासस्थित एक मलमा बन्दुकधारीको आक्रमणबाट ९ जनाको मृत्यु भएको छ।

शनिबार एक बन्दुकधारीले मलमा सामान खरिद गरिरहेका ग्राहकमाथि अन्धाधुन्ध गोली चलाउँदा ९ जनाको मृत्यु भएको हो। गोली चलेपछि प्रहरीले सयौंजनालाई मलबाट बाहिर निकालेको थियो।

आक्रमणमा परेकामध्ये केही बालबालिका रहेको जनाइएको छ। घाइतेमध्ये ७ जनालाई अस्पताल भर्ना गरिएको छ भने तीनजनाको अवस्था चिन्ताजनक रहेको प्रहरीले जनाएको छ।

यो वर्ष मात्रै अमेरिकामा १९८ वटा बन्दुक आक्रमणका घटना भएका छन्। सन् २०१६ यता यस वर्ष अमेरिकामा सबैभन्दा धेरै बन्दुक आक्रमणका घटना घटेका हुन्।