काठमाडौं - भारतीय कङ्ग्रेस नेता राहुल गान्धीको सांसद पद खारेज भएको छ।
चार वर्ष पुरानो मानहानी मुद्दामा दोषी देखिएपछि संसद सचिवालयले शुक्रबार सूचना जारी गर्दै गन्धीको संसद सदस्यता खारेज गरेको हो।
उनी भारतको लोकसेवा सदस्य रहेका थिए। भारतको संविधानको अनुच्छेद १०२ (१) र जन प्रतिनिधित्व अधिनियम १९५१ बमोजिम उनको पद खारेज गर्ने निर्णय गरेको संसद सचिवालयले जनाएको छ।
सुरतको अदालतले गान्धीको चार वर्ष पुरानो मुद्दाको सुनुवाई गर्दै दुई वर्ष सजायको फैसला सुनाएको थियो। अदालतले उनलाई १५ हजार जरिवनासमेत तिराएको थियो। अदालतले उनलाई धरौटीमा रिहा गर्दे आदेश पनि दिएको थियो।
सन् २०१९ मा उनले किन सबै चोरको थर मोदी हुन्छ भन्दै टिप्पणी गरेका थिए। सोही टिप्पणीका आधारमा उनीमाथि अदालतमा मुद्दा दायर भएको थियो।
0 comment