काठमाडौं - पछील्लो २४ घण्टामा नेपालमा थप ५६४ जनामा कोरोना संक्रमण पुष्टी भएको छ । देशभर ४ हजार ४५४ जनाको नमुना परीक्षण गर्दा ५६४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ।

त्यस्तै पछिल्लो २४ घन्टामा थप २०२ जना संक्रमित कोरोनामुक्त भएका छन् भने थप १ जना संक्रमितको मृत्यु भएको छ। 

नेपालमा हाल सक्रिय संक्रमितको संख्या ३ हजार ९२९ पुगेको मन्त्रालयले जनाएको छ।

त्यस्तै नेपालमा अहिलेसम्म कोरोनाका कारण ज्यान गुमाउनेको संख्या ११ हजार ९६० रहेको छ ।