काठमाडौं - नेपाली बजारमा आज पनि सुनको मूल्य घटेको छ । 

हिजोको तुलनामा आज  छापावाल सुन तोलामा दुई हजार ६ सय रुपैयाँ घटेको नेपाल सुनचाँदी व्यवसायी महासङ्घले जनाएको छ। 

योसँगै आज मङ्गलबार सुनको मूल्य तोलामा १ लाख ४८ हजार ७०० रुपैयाँ कायम भएको महासङ्घले जनाएको छ। 

भन्सार दर घटाइएसँगै सोमबार एकैदिन नेपाली बजारमा सुनको मूल्य तोलामा १५ हजार ९०० रुपैयाँ घटेर १ लाख ५१ हजार ३०० रुपैयाँ कायम भएको थियो । 

यसैबीच, आज चाँदी तोलामा १ हजार ८२० रुपैयाँमा कारोबार भइरहेको छ ।