काठमाडौं - मोरङमा मोटरसाइकल दुर्घटना हुँदा तीन जनाको मृत्यु भएको छ । एक जना घाइते भएका छन् ।
मोरङको उर्लाबारी नगरपालिका- ३ नयाँ मंगलबारेमा भएको दुर्घटनामा पथरीशनिश्चरे नगरपालिका- ५ का अन्दाजी ४२ वर्षीय दीपक धिमाल, कानेपोखरी गाउँपालिका- ४ रमाइलोका २८ वर्षीय किशोर गुरुङ र कानेपोखरी- ४ कै २८ वर्षीय अमृत लिम्बूको मृत्यु भएको प्रहरीले जनाएको छ।
पूर्वतर्फ जाँदै गरेको प्रदेश १- ०२- ०५० प ८४०६ र पूर्वबाट पश्चिमतर्फ जाँदै गरेको प्रदेश १- ०२- ०४३ प ९२२६ नम्बरको मोटरसाइकल ठोक्किएर दुर्घटना भएको हो ।
दुर्घटनापछि उपचारका लागि पुर्याइएका धिमालको उर्लाबारीमा रहेको अरनिको अस्पताल, गुरुङको मदन भण्डारी अस्पताल र लिम्बुको झापाको बिर्तामोडस्थित बी एन्ड सी अस्पतालमा मृत्यु भएको प्रहरीले बताएको छ ।
दुर्घटनामा पथरीशनिश्चरे- ५ का ३० वर्षीय विष्णु धिमाल गम्भीर घाइते भएका छन् । उनको बी एन्ड सी अस्पतालमा उपचार भइरहेको प्रहरीले जनाएको छ ।
0 comment