काठमाडौं - बागलुङमा पिकअप जिप दुर्घटना हुँदा पाँच जनाको मृत्यु भएको छ भने एक जना घाइते भएका छन् । मृत्यु भएका ५ जनाको सनाखत भएको छ ।
मृतकहरुमा जिप चालक बागलुङ जैमिनी-८ केवई बस्ने ३८ वर्षीय महेन्द्र पुन,सोही स्थानकी २० वर्षीया रश्मी श्रीष,५० वर्षीया नन्दकली पुन, १७ वर्षीय निरज श्रीष र ७५ वर्षका कुल प्रसाद श्रीष रहेको बाग्लुङका प्रमुख जिल्ला अधिकारी नेत्र सुवेदीले जानकारी दिनुभयो ।
घाइते बागलुङ जैमिनी -८ का ४५ वर्षीय गंगा बहादुर श्रीषलाई उपचारका लागि बागलुङ अस्पताल लगिदै गरिएको उहाले बताउनुभयो ।
जैमिनी नगरपालिका–८ छिस्तीबाट बागलुङ बजार आउँदै गरेको ग २ च ९२४७ पिकअप जिप ढुङ्गेखानी भन्ने स्थानमा आज बिहान दुर्घटनामा परेको हो ।
0 comment