काठमाडौं - कालीकोटमा जिप दुर्घटना हुँदा ८ जनाको मृत्यु भएको छ । 

आज पलाँता गाउँपालिका- ७ को राडुनेटा भन्ने ठाउँमा जिप दुर्घटनामा ८ जनाको मृत्यु भएको जानकारी प्राप्त भएको प्रदेश कार्यालय सुर्खेतले जनाएको छ। 

घटनास्थलमा जिल्ला प्रहरी कार्यालय सुर्खेतबाट डीएसपीको टोली पठाइएको र स्थानीय प्रहरी भने घटनास्थलमा पुगेर उद्धार सुरु गरिरहेको कर्णाली प्रदेश कार्यालय सुर्खेतले जनाएको छ । 

घटनाको थप विवरण आउँन बाँकी रहेको प्रहरीले जनाएको छ ।