काठमाडौं - साविक विजेता बंगलादेश साफ महिला च्याम्पियनसिप २०२४ मा भारतलाई हराउँदै सेमिफाइनलमा प्रवेश गरेको छ ।
बंगलादेश समूह ‘ए’को शीर्षस्थानमा रहदै सेमिफाइनल प्रवेश गरेको हो ।
दशरथ रंगशालामा आज भएको समूह ए को खेलमा बंगलादेश भारतलाई ३-१ ले हराउँदै प्रतियोगिताको पहिलो जित दर्ता गर्न सफल भएको छ ।
यस जितसँगै बंगलादेश २ खेलमा ४ अंकका साथ समूह विजेता पनि बन्यो ।
भारत २ खेलमा ३ अंकका साथ उपविजेता बन्यो भने २ खेलमा १ अंक जोडेको पाकिस्तान भने समूह चरणबाट बाहिरिएको छ ।
प्रतियोगिता अन्तर्गत भोली समूह बी को अन्तिम खेल हुनेछन् ।
पहिलो खेल दिउँसो १:३० बजे भुटान र माल्दिभ्सबीच हुनेछ भने दोस्रो खेल साँझ ५:३० बजे नेपाल र श्रीलंकाबीच हुनेछ ।
नेपाल र भुटानको २-२ खेलमा समान ४-४ अंक छ ।
गोलअन्तरमा नेपाल अघि छ । श्रीलंकाको २ खेलमा ३ अंक तथा माल्दिभ्स अंकविहिन छ । यस समूहको विजेताले सेमिफाइनलमा भारतको सामना गर्नेछ । दोस्रो हुने टोलीले बंगलादेशसँग खेल्नेछ ।
0 comment