काठमाडौं - चीनले ताइवानमा सैन्य अभ्यास गरिरहेको छ ।
चीनले सो सैन्य अभ्यास स्वशासित टापुमा स्वतन्त्रता खोज्नेहरूविरुद्ध कडा चेतावनीको रुपमा रहेको बताएको छ।
ताइवानका राष्ट्रपति विलियम लाईले गत हप्ता दिएको भाषणको प्रतिक्रियाको रूपमा यो अभ्यासलाई हेरिएको छ । उनले बेइजिङमा गाभिने कुराको प्रतिरोध गर्ने प्रतिज्ञा गरेका थिए।
ताइवानको रक्षा मन्त्रालयले चीनको तर्कहीन र उत्तेजक व्यवहारको निन्दा गर्दै आफ्नो बचाउ गर्न तयार रहेको बताएको छ ।
ताइवानको यातायात मन्त्रालयले समुद्री तटमा सैन्य अभ्यास भए पनि हवाई यातायात र बन्दरगाह सञ्चालन सामान्य रहेको बताएको छ।
ताइवानको सहयोगी अमेरिकाले उक्त अभ्यासको अनुगमन गरिरहेको बताएको छ ।
चीनले ताइवानलाई अलग्गिएको प्रान्तको रूपमा हेर्ने गर्छ । तर यो टापुले भने आफूलाई अलग देख्छ र यसको आफ्नै सरकार र सेना पनि छ।
यसै वर्षको सुरुमा लाइले राष्ट्रपतिपदको सपथ लिएपछि बेइजिङले ताइवान वरपर पनि सैन्य अभ्यास गरेको बीबीसीले उल्लेख गरेको छ ।
0 comment