काठमाडौं – तुलसीपुरबाट रोल्पा जाँदै गरेको जिप दुर्घटना हुँदा १ जनाको मृत्यु भएको छ भने ८ जना घाईत भएका छन् ।
यसरी दुर्घटना परी घटना स्थलमै ज्यान गुमाउनेमा स्थानीय १५ वर्षका विद्यार्थी तिलक वली रहेकोे जिल्ला प्रहरी कार्यालय रोल्पाका डिएसपी श्यामकुमार सारू मगरले जानकारी दिनु भएको छ ।
घाइते ८ जना मध्ये ४ जनालाई उद्धर गरि दाङ तुलसीपुरको राप्ती प्रादेशिक अस्पतालमा पठाएको छ भने चालकसहित बाकी ४ जनाको नजिकैको स्वास्थ चौकीमा उपचार भइरहेको छ । जसमध्ये ४ जनाको अवस्था मध्यम रहेको र अन्य ४ जनाको अवस्था सामान्य रहेको डिएसपी सारुमगरले बताउनु भएको छ ।
दाङको तुलसीपुरबाट रोल्पाको गंगादेव गाउँपालिका– ६ राँकको ताप्लाका लागि हिडेको लु १ ज ४७५५ नम्बरको जिप गंगादेव गाउँपालिका–२ हेमुनखोलामा आज बेलुकी करिब ६ बजे गाडी दुर्घटना भएको हो ।
गाडी सडकबाट करिब २ सय फिट तल खसेको डिएसपी मगरले जानकारी दिनु भएको छ । चालकलाई नियन्त्रणमा लिई आवश्यक अनुसन्धान भई रहेको प्रहरीले जनाएको छ । घटनाबारे थप विवरण आउन अझै बाँकी रहेको छ ।
0 comment