काठमाडौं –  झापामा स्कुलको बसले ठक्कर दिंदा एक बालिकाको मृत्यु भएको छ ।

प्रहरीका अनुसार कमल– २ स्थित भुत्लुङमा मंगलबार बेलुका साढे ४ बजे मे १ क ४०७ नम्बरको नवोदय माध्यमिक विद्यालयको स्कुल बसले बालिकालाई ठक्कर दिंदा कमल गाउँपालिका– २ निवासी पवन सुबेदीको अढाई वर्षीया छोरी चिन्दल सुबेदीको मृत्य भएकोे जिल्ला प्रहरी कार्यालय झापाले जनाएको छ ।

ठक्करबाट गम्भीर घाइते भएकी बालिकाको मेडिम्याक्स अस्पताल गौरादहमा उपचारको क्रममा मृत्यु भएको हो । यता बस र बसका चालक ३९ वर्षीय दुर्गाबहादुर कुँवरलाई इलाका प्रहरी कार्यालय दमकले नियन्त्रणमा लिई आवश्यक अनुसन्धान भई रहेको प्रहरीले जनाएको छ ।