काठमाडौं – पाल्पामा आइतबार बिहान बस दुर्घटना हुँदा एक जनाको मृत्यु भएको छ भने १८ जना घाईते भएका छन् । 

बुटवलबाट पाल्पातर्फ आउँदै गरेको लु १ ख ५९५६ नम्बरको बस सिद्धार्थ राजमार्ग अन्तर्गत जोरधारा नजिकै दुर्घटना भएको हो ।

जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले घइतेहरूको अवस्था गम्भीर रहेको जनाकारी दिनु भएको छ ।  
बस भीरमा अड्किएको अवस्थामा रहेकोले अन्य यात्रुको उद्धार भइरहेको छ । यात्रु कति थिए भन्ने यकिन भइ नसकेको थापाले बताउनु भएको छ ।