काठमाडौं – दाङको घोराहीमा एक जना महिलाको शव गाडेको अवस्थामा फेला परेको छ । 

घोराही उपमहानगरपालिका –१२ हापुर निवासी ४० वर्षीया शारदा केसीको शव घर नजिकै गाडेको अवस्थामा फेला परेको जिल्ला प्रहरी कार्यालय दाङका प्रवक्ता तथा प्रहरी नायव उपरीक्षक राजन गौतमले जानकारी दिनुभएको छ ।

शारदाका श्रीमान ४१ वर्षीया मेघराज केसी भने फरार रहेका छन् । फरार केसी विरुद्ध आफन्तले जिल्ला प्रहरी कार्यालय घोराहीमा मेघराजलाइ जाहेरी दिएका छन् । साथै शारदाका श्रीमान केसीको खोजी भइरहेको प्रहरीले जनाएको छ ।