काठमाडौं – रुकुम पश्चिममा तीन थान भरुवा बन्दुक बेवारिसे अवस्थामा फेला परेका छन् ।

जिल्लाको मुसीकोट नगरपालिका ८ स्थित घोरखानीमा बुधबार बेलुका तीन थान भरुवा बन्दुक जङ्गलको ओडारको मुनि बेवारिसे अवस्थामा फेला परेको प्रहरीले जनाएको छ ।

प्रहरीका अनुसार भरुवा बन्दुक सिकार खेल्नका लागि ओडारमा लुकाईएको आशंका गरिएको छ । उक्त भरुवा बन्दुकलाई जिल्ला प्रहरी कार्यालय रुकुम पश्चिममा लगिएको र थप अनुसन्धान भइरहेको प्रहरीले जनाएको छ ।