काठमाडौं – धनगढीमा लागु औषधसहित २ जना युवक पक्राउ परेका छन् । 

पक्राउ पर्नेमा कैलाली धनगढी उपमहानगरपालिका–१३ कैलाली गाउँका २३ वर्षीय मदन राना र २८ वर्षीय निसान घर्ति मगर रहेको प्रहरी प्रवक्ता प्रहरी नायब उपरीक्षक प्रकाश डाँगीले बताएका छन् । सोमबार कञ्चनपुरको बेलौरी नगरपालिका–६ भुराकोटबाट अवैध लागू औषध खैरो हेरोईन १ ग्राम ४८ मिलिग्रामसहित प्रहरीले उनीहरुको साथबाट बरामद गरेको छ ।

ईलाका प्रहरी कार्यालय बेलौरीबाट खटिएको प्रहरीले सु.प.०१–००९ प ३०९७ नम्बरको मोटरसाइकल जाँच गर्ने क्रममा मोटरसाइकलमा सवार उनीहरूलाई खैरो हेरोईनसहित फेला पारी पक्राउ गरेको जनाएको छ साथै यसबारे प्रहरीले थप अनुसन्धान गरी रहेको छ  ।