काठमाडौं - रानाभाट / भाट समाज नेपाल वाग्मती प्रदेशको पाँचौं अधिवेशन भव्यताका साथ सम्पन्न भएको छ ।
रानाभाट / भाट समाज नेपाल वाग्मती प्रदेशका अध्यक्ष शिवलाल रानाभाटको अध्यक्षतामा सञ्चालन भएको कार्यक्रमको प्रमुख अतिथि रानाभाट / भाट समाजका केन्द्रीय अध्यक्ष बाबुराम रानाभाट रहेका थिए । कार्यक्रममा केन्द्रीय पदाधिकारीहरु, प्रदेशका पदाधिकारीहरु र जिल्लाका पदाधिकारीहरु सहित करिब १ सय जनाको उपस्थिति रहेको थियो ।
कार्यक्रममा वरिष्ठ उपाध्यक्ष ओमकुमारी बञ्जारा रानाभाटले स्वागत मन्तव्य राखेकी थिइन् ।
पाँचौं अधिवेशनबाट कृष्ण रानाभाटको अध्यक्षतामा नवनिर्वाचित कार्य समिति गठन भएको छ । अध्यक्षमा कृष्ण रानाभाट, वरिष्ठ उपाध्यक्षमा सन्तोष रानाभाट, महिला उपाध्यक्ष सिता रानाभाट, उपाध्यक्ष बलराम रानाभाट, सचिव गणेश रानाभाट, सह – सचिव प्रलाद रानाभाट, कोषाध्यक्षमा हरिश चन्द्र रानाभाट , सह – कोषाध्यक्षमा राजेन्द्र रानाभाट, सदस्यहरुमा मिना रानाभाट, गंगा देवी रानाभाट, प्रभु रानाभाट, पशुपति रानाभाट, कमला रानाभाट र इशा रानाभाट निर्वाचित भएका छन् ।
उक्त कार्यक्रम सचिव कृष्ण रानाभाटले सञ्चालन गरेका थिए।
0 comment