काठमाडौं - धनुषामा दुई ट्रक एकआपसमा ठोक्किंदा ३ जनाको मृत्यु भएको छ भने एकजना घाईते भएका छन् ।
शनिबार बिहान पूर्वपश्चिम राजमार्ग अन्तर्गत धनुषाको मिथिला नगरपालिका–३ हरिहरपुरमा पूर्वबाट पश्चिमतर्फ आउँदै गरेको ना ६ ख ६५७८ नम्बरको ट्रक र विपरित दिशाबाट जाँदै गरेको प्रदेश १ ०१–००१ ख ९२९२ नम्बरको ट्रक एकआपसमा ठोक्किंदा ना ६ ख ६५७८ नम्बरको ट्रकमा सवार २ जना र प्रदेश १ ०१-००१ ख ९२९२ नम्बरको ट्रकमा सवार एकजना गरी ३ जनाको मृत्यु भएको हो ।
प्रदेश १ ०१-००१ ख ९२९२ नम्बरको ट्रकमा सवार अर्का एकजना घाइतेको ढल्केवर हस्पिटलमा उपचार भइरहेको छ ।
उनीहरुको पहिचान खुल्न सकेको छैन ।
0 comment