काठमाडौं – रुकुम पश्चिमा महिलालाई पेट्रोल छर्केर आगो लगाउन खोज्ने एक पुरुषलाई प्रहरीले पक्राउ गरेको छ । 

तुलसीपुर उपमहानगरपालिका–९ बेलुवा बस्ने ३५ वर्षिय प्रेमबहादुर केसीले महिलालाई एक लिटर पेट्रोल शरीरमा छर्किएर लाइटर बाली सल्काउन खोज्दा स्थानीयले देखेपछि उनी भागेका थिए । 

स्थानीयले प्रहरीलाई खबर गरेपछि जिल्ला प्रहरी कार्यालय रुकुम पश्चिमबाट खटिएका प्रहरी निरीक्षकको टोलीले केसीलाई पक्राउ गरेको छ । घटनास्थलदेखि उत्तरतर्फ रहेको गहुँ बारीमा लुकेको अवस्थामा प्रहरीले केसीलाई नियन्त्रणमा लिएको हो । महिलाको अवस्था भने सामान्य रहेको प्रहरीले जनाएको छ । 

मुसिकोट नगरपालिका–९ चौखाबाङमा बस्ने ३० वर्षीय महिला माथी किन केसीले आगो लगाउन खोजे भन्नेबारे घटनाको कारण नखुलेकाले प्रहरीले अरु थप अनुसन्धान गरिरहेको छ ।