काठमाडौं – दाङको तुलसीपुरमा टिप्परले मोटरसाईकललाई ठक्कर दिदा मोटरसाइकलको पछाडि सवार तुलसीपुर ६ निवासी ३० वर्षिया चित्रा नेपाली गम्भिर घाइते भएकी छिन् ।
प्रहरीका अनुसार आज बिहान साढे ८ बजेको समयमा तुलसीपुरको विद्युत कार्यालय नजिकै गोर्खा बोर्डिङबाट भूयाँरथान तर्फ जाँदै गरेको बा ५ प ७९१६ नम्बरको मोटरसाईकललाई घोराहीबाट विरेन्द्रचोक तर्फ आउँदै गरेको ना ८ ख ६५२२ नम्बरको टिप्परले ठक्कर दिदा उक्त दुर्घटना भएको होे ।
घाईते नेपालीको राप्ति प्रादेशिक अस्पताल तुलसीपुरमा सामान्य उपचार पछि थप उपचारका लागी नेपालगञ्ज रिफर गरिएको छ । टिप्पर चालक दंगीशरण गाउँपालिका ३ निवासी २२ वर्षिया विपिन चौधरी र मोटरसाइकल चालक तुलसीपुर १७ दुधरास निवासी ३५ वर्षका तिलक केसी प्रहरी नियन्त्रणमा रहेको इलाका प्रहरी कार्यालय तुलसीपुरका प्रहरी निरिक्षक पर्वत केसीले जानकारी दिनुभयो ।
टिप्परले ठक्कर दिएका मोटरसाइकल चालक त्यहाँबाट एक्कासी भागेका थिए । पछि प्रहरीले उनलाई अमिलियाबाट नियन्त्रणमा लिएको थियो । मोटरसाइकल चालक किन भागे भन्ने विषयमा प्रहरी नै अनविज्ञ रहेको छ ।
0 comment