काठमाडौं – कैलालीमा भोज खाएर फर्किदै गरेको ट्याक्टर दुर्घटना हुँदा २ जनाको मृत्यु र २८ जना घाइते भएका छन् । । सुरज चौधरीले चलाएको से १ त ८८७० नम्बरको ट्याक्टर अनियन्त्रित भई दुर्घटना हुँदा भजनी ९ की चाहाना चौधरी र दिलरानी चौधरीको ज्यान गएको हो ।
उनीहरुको घोडाघोडी अस्पतालमा उपचारको क्रममा मृत्यु भएको प्रहरीले जनाएको छ, साथै अन्य घाइतेहरुको भने विभिन्न अस्पतालमा उपचार भइरहेको जिल्ला प्रहरी कार्यालय कैलालीका प्रहरी नायव उपरीक्षक कूलदीप चन्दले जानकारी दिनुभएको छ ।
प्रहरीका अनुसार जिल्लाको बर्दगोरिया गाउँपालिका ६ सुगरखालका आफन्तको घरबाट पास्नी भोज खाएर भजनी नगरपालिका ९ कुणीतर्फ फर्किने क्रममा जोशीपुर गाउँपालिका–७ हजारीबारा भन्ने स्थानमा गयराति ट्याक्टर दुर्घटनामा परेको हो । प्रहरीले ट्याक्टरलाई नियन्त्रणमा लीई ट्याक्टर चालकको खोजतलास गरिरहेको छ ।
0 comment