काठमाडौं - सिन्धुलीमा एक यात्रुबाहक बस दुर्घटना हुँदा ५ जनाको घटनास्थलमै मृत्यु भएको छ भने २४ जना घाइते भएका छन्।

ओखलढुंगाको रुम्जाटारबाट काठमाडौं जाँदै गरेको बा २ ख ६५९६ नम्बरको यात्रुबाहक बस सिन्धुलीको फिक्कल-४ को कुइभीरमा दुर्घटना हुँदा ५ जनाको घटनास्थलमै मृत्यु भएको हो।

जिल्ला प्रहरी कार्यालय सिन्धुलीका अनुसार मृतकको पहिचान हुन सकेको छैन । घाइतेको उद्धार भइरहेको छ।  

बसमा २९ जना सवार रहेको जनाइएको छ।

बस आफैं अनियत्रित भई भित्तामा गएर ठोकिएको प्रत्यक्षदर्शीले बताएका छन् । यद्यपी दुर्घटनाको कारण भने खुल्न बाँकी छ।