काठमाडौं – धनगढीमा अटो दुर्घटनामा परी एक जनाको मृत्यु भएको छ । मृत्यु हुनेमा कैलाली गौरीगंगा नगरपालिका–४ का ८५ वर्षीय तिलानन्द जोशी रहेको प्रहरीले जनाएको छ ।
जिल्ला प्रहरी कार्यालय कैलालीका अनुसार बिहीबार बिहान अत्तरिया–धनगढी सडकखण्डमा चौमालाबाट भीमबस्तीतर्फ जाँदै गरेको से १ ह २६३९ नम्बरको अटो अनियन्त्रित भई पल्टिदा दुर्घटना भएको हो ।
दुर्घटनामा गम्भीर घाइते भएका जोशीको उपचारका लागि माया मेट्रो अस्पताल धनगढीमा पु¥याए लगत्तै चिकित्सकले मृत घोषणा गरेका थिए । उनीलगायत दुईजना दुर्घटनामा परेको कैलालीका डिएसपी कुलदिप चन्दले बताए । उक्त अटो र चालकलाई जिल्ला प्रहरी कार्यालय कैलालीले नियन्त्रणमा लीई आवश्यक अनुशन्धान गरी रहेको छ ।
0 comment