काठमाडौं - पछील्लो २४ घण्टामा नेपालमा थप ११० जनामा कोरोना संक्रमण पुष्टी भएको छ । देशभर ३ हजार ८२७ जनाको नमुना परीक्षण गर्दा ११० जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ।
 
त्यस्तै पछिल्लो २४ घन्टामा थप १२६ जना संक्रमित कोरोनामुक्त भएका छन् भने थप १ संक्रमितको मृत्यु भएको छ। 

नेपालमा हाल सक्रिय संक्रमितको संख्या २ हजार ६२ पुगेको मन्त्रालयले जनाएको छ।

त्यस्तै नेपालमा अहिलेसम्म कोरोनाका कारण ज्यान गुमाउनेको संख्या १२ हजार १६ पुगेको छ ।